Түштүк Корея Ормуз кысыгына өзүнүн аскер кызматкерлерин жөнөтпөйт. Бул тууралуу өлкөнүн президенти Ли Чжэ Мён билдирди.
«Жаңжалга катышууга алып келе турган аскер жөнөтүү болбойт. Согушка эч кандай катышуу болбойт», — деди Ли Чжэ Мён жума күнү өткөн басма сөз жыйынында. Анын сөздөрүн «Рёнхап» агенттиги келтирди.
Президенттин айтымында, Түштүк Корея башка өлкөлөр сыяктуу эле аймактагы өз жарандарын жана мунай ташуу каттамдарын коргоо үчүн «минималдуу деңгээлдеги чараларды» көрүшү керек.
Сентябрдын башында Ли Чжэ Мёндун администрациясы бир катар маалымат каражаттарында тараган билдирүүлөргө карабастан, Сеул Ормуз кысыгына аскер жөнөтүүнү пландабай турганын билдирген. Ошол эле учурда бул маселе боюнча карап чыгуу иштери уланып жатканы айтылган.
Өз кезегинде АКШнын президенти Дональд Трамп Сеулга кайрылып, Түштүк Корея Иран Ислам Республикасын өзөктүк куралсыздандырууга катышууну каалайбы деген суроону бергенин, бирок Сеулдан терс жооп алганын билдирген.
Өз кезегинде Ирандын Тышкы иштер министрлиги Сеулду Перс булуңу аймагына аскерлер жөнөтүлсө, олуттуу кесепеттерге алып келерин эскерткен.