Ирандын Тышкы иштер министрлигинин расмий өкүлү Исмаил Багаи АКШ президенти Дональд Трамптын июль айында Түркияда өткөн НАТО саммитинен кайтып келе жатканда жашыруун эвакуацияланышы тууралуу маалыматка комментарий берди.
Багаи кылмыш жасаган адамдарды коркунуч жана тынчсыздануу дайыма коштоп жүрөрүн айтты.
Буга чейин The Washington Post басылмасы Трампка Иран тарабынан кол салуу коркунучу болгон деген маалыматтан улам, аны учактан азык-түлүк жеткирүүчү фургон менен жашыруун алып чыгышып, андан соң аскердик учакка отургузушканын жазган.
Иран ТИМинин өкүлү Тегеран Минаб шаарындагы мектепке жана Ламерддеги спорт залга жасалган соккуларда болгон кылмыштарды эч качан унутпай турганын белгиледи.
«Албетте, бул кылмыштарды жасагандар эмне кылганын билишет. Коркунуч жана тынчсыздануу аларды дайыма коштоп жүрөт», — деди Багаи брифинг учурунда.
Трамп аскердик учакка эвакуацияланганын ырастаган, бирок операциянын чоо-жайын ачыкка чыгарган эмес.