Al Hadath: Иран менен АКШ өз ара агрессиядан баш тартууга макулдашты

Тегеран менен Вашингтондун ортосундагы чыңалууну азайтууга багытталган жаңы демилге эки тараптын тең агрессивдүү аракеттерден баш тартуусун карайт.

Бул тууралуу Al Hadath телеканалы билдирди.

Анын булактарынын маалыматына ылайык, «АКШ менен Ирандын ортосунда сунушталган жаңы келишимде эки тараптын агрессивдүү жана кастык мүнөздөгү аракеттерди токтотуусу каралган». Ошол эле булактар мүмкүн болгон макулдашуулар мурда тараптар кол койгон өз ара түшүнүшүү жөнүндө меморандумдун жоболорун аткарууну да камтый турганын белгилешти.