Ауыл шаруашылығы өнімдерін өндіру өсімі бойынша Беларусь көш бастады.
Бес жыл ішінде Еуразиялық экономикалық одақта (ЕАЭО) ауыл шаруашылығы өнімдерін өндіру 12,4%-ға өсті.
Бұл туралы ЕЭК Алқасының өнеркәсіп және агроөнеркәсіптік кешен жөніндегі алқа мүшесі Гоар Барсегян мәлімдеді.
«Ауыл шаруашылығы өнімдерінің өзара саудасы екі есеге жуық өсті, экспорт 40%-ға артты. 2025 жылы Одақтың азық-түлікпен өзін-өзі қамтамасыз ету деңгейі 93,5%-ға жетті. Мемлекеттердің климаттық және өндірістік мүмкіндіктерін ескере отырып, мүше мемлекеттер бір-бірінің нарықтарын өзара толықтырып отыр», – деді ол.
2026 жылдың бірінші жартыжылдығында ЕАЭО-да ауыл шаруашылығы өнімдерін өндіру 2025 жылдың сәйкес кезеңімен салыстырғанда 0,3%-ға артты.
Өсім мына елдерде байқалды:
Беларусьте – 4,7%-ға;
Қазақстанда – 4,4%-ға;
Қырғызстанда – 4,3%-ға.
Жуырда өткен Еуразиялық үкіметаралық кеңестің отырысында Одақ елдерінің үкімет басшыларына ЕАЭО мемлекеттерінің нарықтарын негізгі ауыл шаруашылығы тауарларымен қамтамасыз етуді қолдауға бағытталған тиімді шараларды әзірлеу тапсырылды.