Қазақстан Ауғанстанмен сауда ынтымақтастығын, бірлескен өндіріс және көлік бағыттарын одан әрі кеңейтуге дайын екенін мәлімдеді.
Қазақстан Ауғанстан мәселесін талқылау үшін сегізінші Мәскеу форматындағы кездесуге қатысты. Қазақстан тарапынан ҚР Президентінің Ауғанстан бойынша арнайы өкілі Еркін Тоқымов қатысты.
Кездесуге қатысушылар Ауғанстандағы саяси және экономикалық жағдайды, аймақтық қауіпсіздікті, терроризм мен есірткі тасымалына қарсы күресті, сондай-ақ Кабулмен қарым-қатынастың болашағын талқылады.
Қазақстан Ауғанстанмен сауда ынтымақтастығын, бірлескен өндіріс пен көлік бағыттарын одан әрі дамытуға дайын екенін мәлімдеді. 2026 жылдың қаңтар-шілде айларында екі ел арасындағы сауда алмасу көлемі 581,1 миллион АҚШ долларына жетті, бұл өткен жылмен салыстырғанда 2,4 есе көп.
Өңірлік көлік дәліздері және қазақстандық компаниялардың инфрақұрылымдық жобаларға қатысу мүмкіндігі де талқыланды.
Бұл кездесуде Ауғанстанға қолдау көрсетудің маңыздылығы да айтылды. Маусым айында Қазақстан Ауғанстанға 319 тоннаға жуық гуманитарлық көмек жөнелтті, оның ішінде 161 мың дәрі-дәрмек пен медициналық құрал-жабдықтар бар. Есірткі бизнесіне қарсы күрес саласында да ынтымақтастық жалғасуда. Қазақстан ауғандық күштерді иттермен жұмыс жасауды оқытуға қатысып, бұл елге қызметтік иттерді жеткізд».
Соңында қатысушылар ортақ мәлімдемеге келісе алмады. Бұған Ауғанстан мен Пәкістан арасындағы келіспеушілік себеп болды. Дегенмен, тараптар «Мәскеу форматы» әлі де Ауғанстанның болашақ қауіпсіздігі, бейбітшілігі мен дамуы туралы диалог үшін маңызды алаң болып табылатынын атап өтті.