2025 жылы тараптар арасындағы тауар айналымы 8,3 млрд долларға жетті
Бішкекте ЕЭК алқасының төрағасы Бақытжан Сағынтаев ШЫҰ саммиті аясында Вьетнам вице-президенті Во Тхи Ань Суанмен кездесті.
Кездесуде ЕАЭО мен Вьетнам арасындағы еркін сауда келісімі аясындағы ынтымақтастықты одан әрі дамыту мәселелері талқыланды.
«2016 жылы тараптар арасындағы тауар айналымы $4,3 млрд болған. 2025 жылы бұл көрсеткіш $8,3 млрд-қа жетті. Осылайша 9 жыл ішінде сауда көлемі 90%-дан астам өскен», — деді Сағынтаев.
Оның айтуынша, цифрлық трансформация, жасанды интеллект, электронды сауда және жаңа технологиялар салаларында бірлескен жобаларды дамытуға үлкен мүмкіндік бар.
Сондай-ақ тараптар көлік-логистикалық байланысты күшейту және сауда рәсімдерін жетілдіру мәселелерін қарастырды.