Қазақстан Ислам Ынтымақтастығы Ұйымымен (ИЫҰ) қарым-қатынасын кеңейтуді көздейді.
ҚР Сауд Арабиясындағы елшісі және елдің ИЫҰ-дағы тұрақты өкілі Мадьяр Манилбеков Ислам Ынтымақтастығы Ұйымының жаңа Бас хатшысы Исмаил Улд Шейх Ахмедпен кездесті.
Кездесуде тараптар Қазақстан мен ИЫҰ Бас хатшылығы арасындағы ынтымақтастықтың қазіргі жағдайы мен даму перспективаларын, сондай-ақ ортақ мүдделі салалардағы ынтымақтастықты одан әрі нығайту жолдарын талқылады.
Кездесу барысында ИЫҰ аясындағы өзара іс-қимылды жандандыруға, мүше мемлекеттердің ынтымақтастығы мен бірлігін нығайтуға, сондай-ақ осы ұйым аясында Қазақстанның халықаралық бастамаларын ілгерілетуге ерекше назар аударылды.
Тараптар Қазақстан мен Ислам Ынтымақтастығы Ұйымы арасындағы сындарлы өзара іс-қимылды жалғастыруға және ынтымақтастықты нығайтуға мүдделіліктерін атап өтті.
Еске салайық, Қазақстан ИЫҰ Статистикалық комиссиясы бюросының төрағасының орынбасары болып сайланды.