Витебск және Старые Дороги қалаларында ҰҚШҰ «Мызғымас бауырластық-2026» және «Тосқауыл-2026» оқу-жаттығулары басталды, деп хабарлады Беларусь Қорғаныс министрлігі.
Оқу-жаттығуларға Беларусь, Ресей, Қазақстан, Қырғызстан және Тәжікстаннан әскери контингенттер барды.
Витебскіде ҰҚШҰ бейбітшілікті сақтау күштерімен бірге «Мызғымас бауырластық-2026» командалық-штабтық оқу-жаттығуының ашылуы, ал Старые Дорогиде ҰҚШҰ РХҚ қорғаныс және медициналық қолдау бөлімшелерінің бірлескен құрамалары қатысатын «Кедергі-2026» арнайы оқу-жаттығуының ашылуы өтті.
«Алдағы жаттығудың ерекшелігі — бірлескен операцияларға әскери құрамалардан басқа, ішкі істер органдарының, полицияның, ішкі әскерлердің және Ұлттық гвардия әскерлерінің бөлімшелері қатысады. Бітімгершілік жаттығуының аясында Радио-химиялық қауіпсіздіктің қорғаныс және медициналық қолдау бөлімшесі «Тосқауыл» арнайы оқу-жаттығуы өткізіліп жатыр. Бұл салада біздің мемлекеттеріміздің күш-жігерін тығыз үйлестіру және біріктіру ерекше маңызды», — деді ҰҚШҰ Біріккен штабы бастығының орынбасары Руслан Шпекбаев.
Оқу-жаттығу ҰҚШҰ Ұжымдық бітімгершілік күштерінің біітімгершілік операциясын дайындауға және жүргізуге, сондай-ақ осы күштердің жауапкершілік аймағындағы биологиялық қауіп көздерін жоюға бағытталады.
Барлығы 1500-ден астам әскери қызметші және 300-ден астам қару-жарақ, әскери және арнайы техника, соның ішінде шамамен 80 түрлі типтегі ұшқышсыз ұшу аппараттары қатысады.