Америкалык аскер кызматкерлери CBS телеканалына Ирандын соккуларынан кийин Сауд Аравиясы менен Кувейттеги АКШнын аскердик базаларында болгон кыйроолорду көрсөткөн сүрөттөрдү беришкен. Бул тууралуу CBS News телеканалы билдирди.
«Биздин базаларыбыз олуттуу зыянга учурады, бирок бул тууралуу америкалык коомчулукка айтылган жок. Биз көзүбүздү жумуп туруп, бетке сокку алып жатабыз», — деп телеканал аскердик базалардын биринде кызмат өтөп жаткан аскер кызматкеринин сөзүн келтирген.
Сауд Аравиясындагы Принц Султан авиабазасынан тартылган сүрөттөрдүн биринде Boeing E-3 Sentry учагы көрүнөт. Анын фюзеляжына снаряд тийгенден кийин арткы бөлүгү кыйрап калган.
Ал эми Кувейттеги Кэмп-Бюринг базасынан тартылган сүрөттөрдө кыйраган имараттар жана унаалар көрсөтүлгөн.
1 of 6
Буга чейин АКШ Конгрессинин Бюджеттик башкармалыгынын отчетунда Иран менен болгон жаңжал америкалык бюджетке ай сайын 2–3 миллиард долларга түшөрү айтылган. Ошондой эле согуштун алгачкы беш айында эле 38 миллиард доллар сарпталганы белгиленген.