Катардын Тышкы иштер министрлигинин расмий өкүлү Мажед аль-Ансари жумалык маалымат жыйынында Катар чыңалууну басаңдатууга жана диалогду улантууга чакырып жатканын билдирди.
«Аль-Жазира» телеканалынын маалыматына ылайык, ал Катар айрыкча Омандын ортомчулук аракеттерин колдой турганын жана жакынкы сааттарда же күндөрдө тараптар ортосунда макулдашууга жетишилет деп үмүттөнөрүн айтты.
Ансари түз сүйлөшүүлөр жүрүп жатпаганын, бирок ортомчулар бири-бири менен байланышып турганын белгиледи. Анын айтымында, келишимдин долбоорлору жаңжал февраль айында башталгандан бери болуп келгендей эле тараптардын ортосунда кезектешип өткөрүлүп жатат.
«Азыр ортомчулар чыңалуунун күчөшүнө жол бербөөгө, кысыкты кайра ачууга жана тараптардын ортосунда дипломатия үчүн мүмкүнчүлүктөрдү калыбына келтирүүгө көңүл буруп жатышат. Биз азыр аймагыбызда олуттуу чыңалуунун күчөшүн каалабайбыз», — деди аль-Ансари.
«Биз дипломатиялык жөнгө салууга жетишүү үчүн аймактагы өнөктөштөрүбүз жана жаңжалдын тараптары менен абдан тыгыз кызматташып жатабыз», — деп кошумчалады ал.
Ансаринин айтымында, Катар Ормуз кысыгы боюнча маселе аймактык деңгээлде чечилиши керек деп эсептейт.